نوکیـن نبشتانک چهار شنبه 25 مهرماه 97
گون مهربانین ربءِ نامءَ که رودءِ نیلءَ په وتی دوستان پهلءُ مزنین جَدهـﮯ کت
پروردگارئـﮯ که جَمبل آسین آچشءَ گلزارءُ گلستان کت
ربءِ که مکهءِ چورهءَ یتیمءَ سرکاپله مرسلان کت
په سرکاپله نبیءُ مرسلان هزاران هزار دروتءُ سلام
..............
براتءُ گهاران
دوستانءَ آزیزان
دیوانءِ مدیمی همراهان
گلین گوشداروکان
سلام علیکم (2)
........
تا هنون شما گون وتءَ نه جیـﮌ اتگءُ هیال نه کتگ کوشـﮯ که باز باز گونـﮈ ءُ کسانین سنگـﮯ آییءِ تها اِنتءُپه راه روگا شما را دلسیاهءَ کنتءُ راه روگ په شما مشکلءُ نگیگ اِنت؟
گــﮌا شما چوشین وهدا چونءَ کن اِت ؟؟؟
گون همی حالتءَ راهءَ رواِت یا نه اوشت اِت کوشءَ چه پادا کش اِت سنگءَ درءَ کن اِتءُ راهءَ کپ اِت؟
دوستان راه روگ په کجام یکیءَ راهتءُ آسان اِنت؟
کسیءِ که آییءِ کوشءَ کسانین سنگـُک هست ؟
یا کسیءِ که آییءِ کوشءَکسانین سنگ نیست؟
شما کموکی اِی جستءُ سوجءِ باروا پگر کن اِتءُ وتی جوابءُ پسوءَ به داِت دان آوهدا دیوان شوهاز کنوک سوتـﮯ شنگءَ کنت .
باد چه سوتءَ شمئی دیوانءَ کائین.
...............
آزیزین همکار ،
بله
تا هنون په شما وت اِی حکایت پیش آتکگ یا نه؟؟؟
بله! نه یکبرءَ بلکه چنت رندءَ پیش آتکگءُ لهتئِ وهدان منی پاد ترامبل هم بوتگ اَنت.
آزیزان. اِی په درستان پیش آتکگ. اگه تا هنون پیش نه نیاتکگ آیوکین وهدان المءَ پیشءَ کئیت.
راهءِ شتن سک مشکلءَ بیت .
هرچنکه مردم نا دلگوشی به کنت دیر تر وتی سرمنزلءَ رس اِیت.
مئی دیوانءِ بن گپ همیش اِنت.
.........
اعلام یه بخش از تلفن ها
............
گلین دوستان اگن سنگ مردمءِ راهءَ به بیت مردم سنگءِ سرا کُپّ یا هما جپءَ کنتءُ رهادگءَ بیت .
سنگ اگن باز مزن به بیت که مردم مه توانت چه سنگءِ سرا جپ به کنت یه ﮈولـﮯ مردم وتی راهءَ گیش این ایتءُ چه دگه راهـﮯ رهادگءَ بیت اگرچه راه دیرءُ دور به بیت.
زندگیءِ توکءَ سنگ دور دئیوک سک باز اَنت.
هدایءِ شکر اِنت که هدا دوست باز اَنتءُ سنگانءَ چه مردمانی راهءَ دورءَ کن اَنت.
یارب مارا چه سنگ دوُر کنوکان به کن نه چه سنگ ایر کنوکان .
آمین.
اعلام گــــــــــزارش
............
حکایت
سنگءُ نانءِ حکایت ءَ دلگوش کن اِت
زیهدءَ پهریز کارین مردﮮ که مه کوهستگءَ زندگیءَ کت.په وتی تُـنگیءِ پروشگءَ چمگـﮯ سرا شت چنکـﮯ آپ به وارت زاهد آپ وارتءُ همنکه لوﭦ اِت چست به بیت جلکشوکین سنگـﮯ دیست که باز ترپناک اِنت ،دربیش سنگءَ زرتءُ وتی پیلکءِ تـَهءَ کتءُ وتی راهءَ گام جنان بوت
راهءِ نیمءَ رهگوزءُ مساپرﮮ گون آییءَ دچار کپت که چه شدءُ گشنکیءَ مـَرکانی اَت. مساپر دربیشءَ دیست سک وشهال بوت. وتی توارءَ بلندکت ؛ واجه من چه شُدءُ گژنکیءَ مِرآن ورگی نه دارئـﮯ منءَ به دئـﮯ ؟؟
دربیش گوشت بله چنـﮈﮮ هشکین نان منی پیلکءَ هست اِنت دیان اِت بورءُ نوش جان کن.
دربیش نانءَ درکتءُ مساپرا دات. مساپرءِ چم دربیشءِ پیلکءَ سک اَت وهدیکه نانءَ دری کت چمی په گران کیمتی سنگءَ کپت.
مساپر دپءَ لوﮢــوک کتءُ گوشتی : واجه اِی سنگءَ منءَ نه دئـﮯ؟؟
دربیش گوشت بله سنگ تئی سرا ندراِنت. دربیش سنگءَ داتءُ رهادگ بوت.
مساپر هنچوگلءَ بال اَت که جستی مه کن.
گون وتءَ گوشتی اِی چه سادگءُ پهوالی اَت هچ نه زانتی که اِ ی سنگءِ کیمت چنکر اِنت!!!
هو مردءَ دل نه بوت که سنگءَ بها به کنت په همـﮯ هاترا دلءِ سرا داشتگی اَت.
چنت روچءَ گوستءُ دربیشءُ گژنگین مساپر دچار کپت اَنت.
سلامءُ دست دروت بوت اَنت، جوﮌیءُ وش آهتءَ رند مساپر گوشت: واجه ترا یات اِنت تو منءَ سنگـﮯ دات؟؟
دربیش گوشت: هو منءَ شر یات اِنت.
مساپر گوشت بارئن تو چو زانتگ ای سنگ چینچو ارزشءُ کیمت دارایت؟؟
دربیش گوشت هو من سرپد بیتگان اگن منءَ ده چوشین سنگ بوتین اَت وهدیکه تو لوﭦ اِت من ترا دات اَنت.
مساپر هبکهءُ هیران بوت که یارب چوشین مرد!!!
گـﮌا مساپر زوتکی سنگءَ چه وتی کیسگءَ در کتءُ دربیشءَ داتیءُ گوشتی:
واجه اِی سنگءَ پدا ترا دیان . تو منءَ بلد کن من چون به کن آن که تئی پیمءَ به بان
........................
منتوار چه سرجمین همراهانءُ همدیوانان
آزیزان پاکین رب بازین ساهدارانءِ راه رَوگءَ گون یکءُ دگرا پرکءُ دگریءِ داتگ، په درورءُ مثالءَ ،مار لاپ هنزءَ کنت
لهتیءِ چه ساهداران هم چار دستءُ پادءَ رَواَنت.
الم براتءُ گهاران گوش اَنت که ما زان ایـﮟ انسان گون دوئیـﮟ پادان راهءَ رَوت.
هنچوش اِنت، البت انسان ابید چه ایشیءَ ،که گون دوئین پادان راهءَ رَوت گون دلءَ هم راهءَ رَوت.
دلءِ راه روگ نوکین هبرﮮ نه اِنت، اِﮮ گپ هم مئی نه اِنت که انسان گون دلءَ راه شتگءَ راهءَ رَوت اِنت!!!!
هنون په دوستانءُ آزیزان گوش این که چونءُ چتور؟؟؟
پیرانءِ زمانگ وتی بتلءُ ضرب المثلاﮞ اِﮮ باروءَ گوشتگ :
«دل هما جاهءَ رَوت که پاد به رَوت».
جی آزیزاﮞ انسان هدایءِ راهءَ گون دلءَ رَوت . گوﮞ دلءَ هدایءِ بارگاهءَ نزّیکءَ بیت.
شمئی یاتءَ به بیت دیوانءِاول سرا گوشگ بوت اگن کوشءِ تها کسانین سنگـﮯ به بیت انسان راهءِ روگءَ سستءَ بیت ءُ په جُوانی نه توانت دیم په مکسدءَ گام به زورایت.
مئی مولءُ مکسد چه اِﮮ گپءِ بیان کنگءَ اش اَت ، انسانءِ دلءَ اگن کـَلهَـﮯ بُگز. کینگ ، بد واهیءُ دژمنی به بیت انسان په وشیءُ آسودگی نه توانت اللهءِ نیمگءَ وتی گاماﮞ ایر به کنت،ءُ ربءِ وشنودیءَدست به گیپت.
جی دوستان په ربءِ بارگاهءِ روگءَ مئی ءُ شمئی پاد نه اَنت که رَواَنت بلکه دل اِنت.
دلءَ به رُوپ اِت
دلءَ پاکءُ سلَه کن اِت که دورءُ دراجین سپریـﮯ ماءُ شمارا مه دیم اِنت که باید اِنت گون دلءَ به روایـﮟ.
....................
آزیزان درستین موسمانی یاروکءُ بروک رب وت اِنت
گرمیـﮟ لوارءُ سردی
تاک ریچءُ بهارگه
هنچوش هورءُ جمبر هدایءِ هگمءُ پرمانءَ کاینت ءُ رواَنت.
هورءُ باران په لهتیءَ برکتءُ رهمت ءُ په لهتیءَ کولنجیءُ زهمت بوتگ.
ما چه بی هاجتین ربءِ بارگاهءَ رهمتیـﮟ هورءُ جمبراﮞ لوﮢـوک ایـﮟ.
آزیزان بانداتین روچءَ مئی ءُ شمئی استانءِ شهرءُدمگانی هوایءِ گیشترین گپءُ هالان چه هواشناسی کاربلدءِ دپءَ اشکن ایـﮟ.
مارا همراهی کن اِت
........
این وبلاگ فرهنگی اجتماعی وادبی به دور از هرگونه رنگ سیاسی است همه اقوام وهموطنان فرهنگ دوستان می توانند بنده رو کمک کنن