گِهاروُاری

 هچ وهد په دگرانی نیامتءَ گهار واریءُ حسودی مکن اِت که پرچا هدا آئرا داتگ، ترا نداتگی ، پرچاکه تو زانے که هدا چے چیزا چه آئی گپتگ دانکه ایشانی داتگ

                           برایان تریسی :رجانک  محمدرحیم ساسان

جهان کوهءِڈول اِنت.

 اگن کوهستگءَ شتگ اِت وهدیکه مه کوهستگءَ وتی توارءَ بلند بکنے هرچی بگوشے کوه پدا هما تئی وتی توارءَ په تو واگشتءَ کنت، اگن انسان جوانین گپءُ گپتارئے بگوش ایت هما وتی جوانین گپءَ اشکنت، اگن انسان بدینءُ گندهین گپ ئے بگوشیت  هما گپ چه کوهءَاشنگءَ بیت، چوشین وهدا مردم نباید کوهءَ بجنتءُ ملامت بکنت بلکه انسان وتی جندا ملامت بکنتءُ ایربجنت پرچا که اِے گپ مئی وتی گپ اَنت ، دنیا کوهءِ مثال اِنت اگن نیکی کنین نیکی پدا مئی وتی جندءِ نیمگءَ واگشتءَ کنت ، اگن بدی کنین بدی هم پدا مئی وتی نیمگءَ واگردءَ کنت، گڑا گهتراِنت که انسان وتی گپءُ گپتار اعمالءُ کردارءِ هیالداریءَ بکنت.
                                        محمدرحیم ساسان

چون وتی وزنءَ کم کنینءُ لاگر ببئین؟؟؟

بازین راهان ئے په وزنءِ کم کنگءُ لاگری هست اَنت که لهتے سوگه کن اَنت وتی وردءُ وراکءَ کم کنین، البت اِے دابءَ نه اَینت بیت که مردم وتی وردءُ وراکءِ واعده کم مه کنتءُ پدا وتی وزنءَ کم بکنتءُ وتارا لاگربکنت،
 لهتے وردءُ وراک اَنت که بیت گون اِے وراکانی ورگءَ وتی وزنءَ کمءُ وتارا لاگر کنین،
بستگ (ماست)
کازانتان گوشنت بستگ سبکین وراک ئے زوت انسانءِ بدنءَ جذبءَ بیتءُ په انسانءِ وزنءِ کم کنگءُ لاگریءَ پائدگ مند  اِنت.
رگبند بزان صبحانهءَ هیک ءِوارتن هم په انسانءِ وزنءِ کم بیگءُ زوت گشنگ بیگءَ کمکءَ کنت.
پسته هم باعثءَ بیت که انسانءِ اشتها کم ببیتءُ بازین میلءُ واهگ ئے په وراکءَ مه بیت.
کُٹنگ(قارچ) هم سببءَ بیت انسانءِ وزن کم ببیت کسانے که لوٹ اَنت وزن کم کن اَنت گوشتءِ بدلءَ کُٹنگ (قاچ ) بوراَنت.
سهرینءُ سوچاکین پلپل ءِ وارتن هم باعثءَ بیت که انسانءِ وزن کم بیت.
بانکلینک یا هما باقلی ءِ وراتن سببءَ بیت انسان لاگرءُ وزنی کم بیت.

                                                               محمدرحیم ساسان

نوکین وانگی (نوکین کتاب)

دا  کتابءِ نام اِنت اِے کتاب بانُک  سیده زهرا حسینی حاطرات اَنت  که   ایران ءُ عراکءِ جنگ ءِدرگتءَگون سیده اعظم حسینی همتءَنبیگءُگون سوره مهر ءِچاپ شنگءِبُنجاهءَچاپءُشنگ،بوتگ دا، کردی زبانءَ  به معنی مات ءِو بزا نتَءَ َدنت بانک حسینی  وت استان ایلامءِ کردان اِنت په همے هاطرا کتابءِ نامءَ په نامءِ دا ایرکتگ . اِے کتاب یکے چه مکدسین دیمپانیءِ مهمینءُ  مشتری دارین کتابان اِنت که چنت رندءُ باریگءَ چاپءَ شنگ بوتگ.اِے کتاب مکدسین دیمپانیءِ هشت سالءِ درگتءَ روایتءَ کنت که صدامءُ آییءِ کستر پادان چه ظلمءُ ستم ایرانءِ راجءُ ملتءِ سرا یاورتگ اَنت. جنگءِ وهدا بانک حسینی وت ۱۷ سالگین نوک ورنایی ئے که جنگءِ روایتءَ بیانءَ کنت، همے کتابءِ روایت تلویزیونی سریال ئے اڈکنگ بوت که ۱۲۰ بهراَتءُ بازین تامر کاران (بازیگران) آئیءِ تها هست اَنت.
 کتاب په جهانءِ گیشترین زبانان رجانکءُ ترجمه بوتگ چوشگه انگریزی، عربی، اردو کردیءُ بلوچی ،بلے گون اپسوز دان هنون بلوچی چاپءُ شنگ نه بوتگ که اِے باروا چه فرهنگی ءُ ادبی زمه واران دزبندی اِنت که هرچه زوتر اِے کتاب په بلوچی چاپءُ شنگ ببیت.
چاپ جایزهءِ جلال آل احمدءُ دفاع مکدسءِ جایزهءَ کٹ کت.

                                                 محمدرحیم ساسان

نوکین وراک

مکهیں ماتءُگهارانے که لوٹ اَنت نوکیں وردءُ وَراک په وتی چکءُ زهگانءُ لوگءِ مردمان اڈکن اَنت دلگوش کن اَنت یک سادهینءُ آسانین وراک ئے ءِ گرادگءَ په شما گوشین .
اے وراکءِ نام اِنت بڈاگ ءِ کتلت  یا هما بادنجانءِ کتلت.ا
ِے کلتلت گون بٹاگ بزان باذنجانءُ سویا جوڑکنگءَ بیت،
 چیزئے که لازم اِنت؛ ۲ دانگ بٹاگ،دو پیمانه سویا،یک پیمانه کابلی که نخود آشی گوشگءَ بیت.۵ دانگ بُن پیماز چُک (پیازچه) ۱ بن گونڈین پیماز،وادءُ پلپل په اندازه ئے که نیازبیت،دو دانگ هیک بزان هامورگ، دارچینی یک کاشُک،روگن په اندازنیاز
اول بٹاگاں پوست کنگءُ رندا آپانےکه وادءُ نمک رهتگ اَنت ۲۰ دکیکه پوست کتگین بادنجانان هِلّگ بِیِنت دانکه تهلی اِش گرگ ببیت، پیمازهم جتا پوست کنگءُ شودگ ببیت،کابلی بزان نخودانءُ پیسرترا آپ کن اِت دانه نرم ءُ لهم بِبَنت، سویا هم جتا دگه درپءِ تها میسینگءُ آپ کنگ بَیَنتءُپیماز چگان تمیزکنگءُ شودگ بَیَنت .
بٹاگانءَ رند چه بیس دکیکه چه آپان در کن اِت آوانءَ گون تمیزین دزمالءِ حشک کن اِت،درستان اَبید چه هیکءُ وادءُ دارچینی،یکجاه چرخ گوشتءِ تها بدروش اِت دانکه په جوانی گون هم هور بَیَنت رندا وادءُ دارچینیءُ هامرگان هورءُ تور کن اِتءُ آوانءَ بهم بجن اِت دانکه کتلتءِ حمیر جوان کنگ ببیت رندا روگنءَ درپءِ تها داگ دَئیتءُ کتلتانءَ سورکن اِتءُ نوشءِ جان کن اِت. البت اگن لوٹ اِت وشتامتر بَیَنت دوسه حبه سیرکءَ هم اضاپه کن اِت

یکے هست که.....

یک هست مرا گندایت، شپانی تهاریءُ مُهریں لوگءس دوارانی تها یکے هست مئی نگوشتگیں گپانءَ هم اشکُنت.
یکے هست مئی نگهوانیءُ پاسپانیءَ کنت،اگن ما واب ببَئن هما اِنت که مئی هیالداریءَ کنت.
یک هست مرا نانءُ آپءَد َنت،دوستءُ دژمنانءَهم نانءُ آپءَ دَنت، په گناهءَنان بُرّیءَ نه کنت.
اِے یکیں  که مرا گندیت اِنت  بازبیناءُ  نامی رب بصیر اِنت.
آکسے که م هم دوستءُ دژمنانءَ نانءَ دَنت،اللهءِاِنت که رزاک اِنت.
مئی نگہوانیءِ دیوک الله اِنت که حفیظ اِنت.
بله هما اِنت که جرمانی بکشوکءُ ماپ کنوک اِنت رحمانءُ رحیم اِنت.

                                                                محمدرحیم ساسان

نوکین هوال

بالی گراب ئے  که بدلءِ بنزین گون روچءِ تپتءُ گرمی کارءَ کنت اولی باریگ چه بالی پٹءَ په بال کنگءَ دیم په آزمانءَ چست بوت،اِے بالی گرابءِ نام،«سولارایمپالس»اِنت که جهانءِ توکا اولی بالی گراب اِنت که بنزینءِ بدلءَ چه روچءِ تپتءُ گرمی سوب گِرَگ اِنتءُ برزیءَ بالءَ کنت،«سولار ایمپالس»ءِ بالی گراب چه ۲۰۱۵سالءَچه ابوظبی اماراتءِ مرکزی شهرا بال کتگءُ کراراِنت جهانءِ سرتاسرا گشتءُ گول بکنتءُ پدا ابوظبیءِ بالی پٹءَ ایربِـنِـندایت،دان هنون
«سولار ایمپالس»ءِ بالی گراب۲۰هزار کیلومتر بال کتگءُ گشتهءُپه مکسدا نزیک اِنت،"برتران پیکار"سوئیسی ،روانشناسءُاِے بالی گرابءِبالدئوکءُ خلبان اِنت.  
اِے هم زحمت کشین انسانانی ثمره اِنت که په جهانءِ مردمانی آسودگیءُ راحتیءَ محنت کنگ اَنت
پولکار: محمدرحیم ساسان