سَحرءُ امتءِ رسول اللهءِ(ص)

    آزیزاں سَحر جوانیں گنجءُدولتے که اِے گنجءُ نیامت تهنا نبی پاک صلی اللهءُ علیه وآله وسلمءِ نصیبءُ کسمت بوتگ .

یکے چه روچگءِ مهمیں حکمان ماهءِ مبارکءِ رمضانءَ سحری اِنت که اللهءِ پیگمبر هم اے باروا باز سوگهءُ سپارش کرتگ ءُ بائد اِنت امت هم واجهءِ حکمءُ دستورا عمل به کنت که الحمدلله بازئں مومنءُ مسلمانے اِے باروا پابندءُ عامل ءُ تهنا کموکینءِ هست اَنت که سحرءِ چست بوتنءَ کوتاهیءُ سُستی کنگ اَنت .

ما اِے دیوانءَ سحرءِ فضیلتءِ باروا  واجهءِ دُرّئں گُپتاراں بیانءَ کنین دانکه ماءُ شما گیشتر سحرءِ ارزشءُ اهمیتءَ جَه بیارین .

آزیزان ایشیءَ ران اِت که پیش چه مسلمانان ایدگه مهذبءَ دینان چوشکه جهودءُ نصارا  که آوانءَ اهلءِ کتاب هم گَوَشَنت روچگ داشتگ اَنت .واجه پرمائشءَ کنت :"مئے روچگءُ اهل ءِکتاب ءِروچگءِفرق ایش بوتگ که آواں سحور نه کُتگءُ سحری نه واتگ اَنت.

واجهءِدگه پرمائشءِ توکا هست که سحری بورات که سحری ورگا برکت هست.

واجه په سحری وَرگا بازسوگه سپارش کرتگ پیمے که واجه گوشیت په سحریءَپادائت اگں دگه چیزے نیست اَت یاشمارا دل نه ئهَت دانگے هُرماگے بُوراِت.

گلیں براتءُ گُهاراں سحری وارتنءِ اجرءُ ثواب په امتءَ سکّ زیات اِنت دان حدے که حضرتءِ رسول (ص) پرمائشءَکنت:په کسانے که سحورءَ کن اَنت الله جل جلالهءُ پرستگاں رحمتءِدعایءَکن اَنت.

نوں دوستانءُ آزیزاں نبایداِنت ما وَتارا چه اِے جوانیں نیامت زبهرءُ محروم کنیں هنچوشیں مردم هست اَنت شپءَ داں دیروهدءَ ننداَنت سحورکه نزیکءَ بیت نانءُ آپے وَرَنتءُ سرانپادءَایرءَکن اَنتءُوَسپ اَنت ؛هم چه سحرءِ فضیلت زبهرءُ محرومءَ بَیَنت ءُ هم سُهبءِ نماز وانگءَنه بیت​.

مه حالے که سحرءِ یکیں هستی گنجءُ دولت تهجُدءِ نمازءِ وانگءُ اَداکنگ اِنت.

 

 

 

 

گیبتءُ روچگ داری

دردانگیں براتءُ گهاراں شما اِے دُرّئں حدیثءَ چه واجهءَ اشکُتگ که واجه پرمائش کنت:" روچگ په روچگدارءَ سپراِنت ،دان وهدیکه اِے سپرءِ هیالداریءَبه کَنت".

جی  آزیزئں براتءُ گُهارانءُ ایمان دارئں روچگ داراں روچگ حاصیں شرایطءُرهبندانے داریت  که روچگ داربائد اِنت آوانءَ هیالداریءُ دلگوش به کَنت؛په نمونهءُدرور دپءُ زوان،چمّءُگوش ،دستءُپاد .اُسرجمیں اعضا هم بائداِنت روچگ بَئَنت .

مروچان مزنیں مرضءُ نادراهی ئے که مسلمانانءِ درمیانءَ موجوداِنت گیبت (غیبت)کنگ اِنت که ماتءُ گُهارانی دیواناں اِے کارگیشتر گندگءَ بیت!!! 

چوش روایتءَ کن اَنت که ؛ نبی پاک (ص)ءِدورءُزمانگءَدوجنیں آدم روچگ اَت اَنت چه شُدیگیءُتُنّگی داں حدے سربوت اَنت که نزیک اَت هلاک بئَنت اِےدوجنینءِحالءَپه واجهءَ سرکُت اَنت گُڑا واجه کاسگے آدو،جنینءِ پانگءَ دیم داتءُ دستوردات که اِے دوئیں جنین آدم کَه(قی) کن اَنت بزاں درپءِ تها بِہ شان اَنت.

وهدیکه اِے دونپر شانت اَنت  چه آوانی لاپءَگوشتءِ ٹُکُّرءُتازگیں حون رِهت.مهلوکءُمردم  چه اِے حالتءِ گندگءَ حیرانءُ هبکّه بوت اَنت.

گڑاسردارءِدوجهان پرمائش کُت:اِے دو جنیں آدم چه حلارئں رزکءُ روزیگ روچگ داشتگ بلے چه حرامیں چیزاں وارتگ اَنت،بزاں مردمانی باپشتءَ گیبتءُ پُشتگویی کرتگ اَنت.

 پیگمبر(ص)ءِ کولءُ جوانین گپتارءِ متابکا ؛گیبت کنگءِ گناهءُ جرم چه بد عملیءُ بی حیایی ءَ هم انگت سنگین ترءُ گران تراِنت.

ربءِ پاک اِے باروا پرمائشءَ کنت:بارئن  کجام یکے  چه شما دوست داریت که وتی مرتگیـں براتءِ گوشتان به چوَنـڈایت ءُ به ِوارت ؟؟؟؟

بلے دوستان هچ داناءُ عاکلیـں مردمـے راضی نه اِنت انسانءِ گوشتان به وارت خاص که آکس مردمءِ و.تی جندءِ برات به بیت مه حالءِ که آمرتگءُ بیران بوتگ.

 گیبت کنوکءِ مثالءَ الله پاک اِ ے دابءَ بیانءَ کنت

الله پاک درستیـں مردماں چه ای مصیبتءُ گرپتاری نجات به دَنت.

 

ورناییءُربءِابابت(عبادت)

گهتریں دورءُباریگ په انسانءِدینی دیمرویی ورناییءِوهدءُدرگت اِنت.

اللهءِنبیءُمرسلاں که پیگمبری درجهءُ رتبهءَ سربوتگ اَنت آوان ورنایی وهدءَ ربءِ ذوالجلالءَ ابابتءُ بندگی کرتگ اَنت.

حضرتءِرسول(ص) پرمائشءَکنت:مزن شانیں الله ملکءُ پرشتگانی دیماپه ورنایانی ابابت کنگءَ پهرءَکنت چوشیں وهدے ملکءُپرشتگانی دیوانءَ گوشیت بچاراِتءُسئیل کن اِت منی بندگ وتی تمام دلی واهشاں انگارکتگءُ منی ابابتءَدَزگٹءُمشگول اِنت۰

دگه حدیثے چه سرورءِ کائنات حضرتءِمحمدءِمصطفی که واجه پرمائشءَکنت:

دوست تریں کسءُ مردم ءِربءِ درباراهماورناءُجوانی اِنت که سندءُ سالی کم ءُحسنءُ جمالءِ واهنداِنت وتی جوانیءَپه الله حکمانی عمل کنگءَ وتی عمرءُ زندا گوازین ایت چوشیں بندگءِسراپاکیں رب ملکءُ پرشتگانی دیما پهرءَکنتءُپرمائشءَکنت که منی اصلیءُ حکیکی بندگ همیش اِنت.

جوانی زوت گوَزُکیں بهارءُنوبتے که په اشتاپءُ دِه دِهی گوَزیتءُرئوت گڑالازم اِنت پیش چه اِے گراں کیمتی گوهَرءِ بیگواهیءُ گاریءَ آییءِ ارزشءُ اهمیتءَ جه بیاریں.

هچ کسے جهانءِ تها بے گناهءُ بے حطا نه اِنت آدم (ع)ذریهءُحاندانءِتهاگناہءُرَدوَرَگ میراثی اِنت بلے گِهتِریں بندگ همآِنت که توبه کارءُ چه وتی گناهءُ رَدیاں شوَماں به بیت.

دریں نبی صلی اللهءُ علیه وسلم پرمائشءَ کنت توبهءُ شومانی چه درُستاں ربءِدربارامنگیءُکبول کنگی اِنت.

آزیزاں ورنایی جوانیں دولتءُهستے که سرجمیں عمرءُ زندا یک رَندئے گیشتر انسانءِ شکارءَ نه بیت.

حضرتءِمحمد(ص)  پرمائشءَکنت دوگنجءُدولت اَنت که ایشانی کیمتءَهمامردمءَزانت آوانءَچے دست داتگ به بیت ؛یکے ورناییءُ جوانی اِنت دومی جاندراهیءُ سلامتی اِنت.

 

 

سالروز وفات اسوه فداکاری سخاوت و بردباری حضرت بی بی خدیجة الکبری (رض) تسلیت بات.

 

بی بی حجیجه نبی ءِ پاک صلی الله ءُ علیه وآله وسلمءِ لائکیـں لوگ بانُک.

بی بی حجیجه اللهءِ پاکیـں رسول مهتر محمدءِ مصطفی صلی اللهُ عیله وآله وصحبه وسلمءِ  اولین لوگ بانک اِنت لهتـے گوَشنت که: واجه دهم ربيع الاول، گون بی بی حجیجه (رض) آروس کتگ،بی بی حجیه (رض)  بزرگیءُ شرپ فضیلتءُ نام آوری سک زیات اَنت که اِے تاکانی تهاآوانی بیان کنگ بیَگی نه اِنت بلَے کمُوکینءِ هم بیانءَ کنان دانکه وتی دَینءَ نسبت په وتی ماتءَ بیان کنان .

حضرتءِ رسول گرامی (ص) پرمائشءَ کنت: چه مردیناں بازینءِ کمالاتءُ مزنیءَ سر بوت اَنت اُ چه جنیان تهنا چار جنین اَنت که بزرگیءُ کمالاتءَ سر بوتگ اَنت اِے چاریں جنین اِشنَت:آُسیه، مزاحمءِ جِنِکّ. ( فرعونءِ جن) مریم ،عمرانءِ جِنِکّ،حجیجه خویلدِجِنِکّ،فاطمه محمدءِ جنِکّ.

چه اسلامءِ ماحولءُ چاگردا بی بی حجیجه اولین جنین آدمی اَت که اسلامءِ دینءَ منّوک بوت ءُ اولین کسی اَت که نماز وانتءُ اللهءِ درین نبی(ص) ءَ پلامرزیءُ حمایت کت.

بی بی حجبجه مزنین مالدارءُ هستی داری اَت .

رندچه ایشی که واجه گون بی بی سانگءُ آروسءَ کنت وتی تمامین مالءُ داراییءَ واجهءِ اختیارا دَنت که هرچون واجه وت مالان حرجءَ کنت احتیارداراِنت  په همـے  هاترا اَت که  دینءِ اسلام مزنین دیم رَوئیءُ پیشرفتءِ داشتگ.

واجهءِ سِندءُ عمر ۲ ۵ سال اَت بی بی ءِ عمر ۴۰ سال که گون یکءُ دگرا سانگءُ ازدواجءِ رشتهءُ بَست اَنت.

راج دپتر نبیسوکاں گوَشنت که بی بی حجیجه مزنین داناءُ عاکلین تاجرءُ مالداری اَت آییءِ مالءُ هستی په حدی اَت که مکهءِ تها نامدارءُ مشهوراَت. بی بی وتی مالءُ هستیءِ گونا گریبءُ بی وسانءَ کمکءُ مَدَتءَ کت.بی بی ءِ لهڑ بکشیءُ داد ،دان حدی اَت که سرجمین مردم آئرا کریش(قریش)ءِ بانُکانی بانُک توارءَ کرت اَنت​.

 بی بی حجیجه ۲۴ چار سال گون واجهءَ زندگی کرت که اِے سالانی تها واجه ءِ دردءُ گمانی شریدارءُ گموارءُ دلسوزاَت. وهدیکه ناسرپدءُ بے دینیں مشرکان واجهءَ را اذیتءُ آزارءَ کت بی بی حجیجه آییءَ را دل تسلیءُ آرامشءَ دات ءُ گون آییءِ سکیءُ مشکلان همراهءُ همکوپگ اَت.

بی بی شش زهگ داشتگ که چار دتگءُ دو پسگ اَنت، مردین زهگانی نام  قاسمءُ عبدالله که هما گونڈیءَ چه جهانءَ رُکست کرتگ اَنت ءُ چاریں دتگانی نام،بی بی زینب بی بی ام کلثوم بی بی رقیه ءُ بی بی فاطمه خاتونءِ جنّت.

روایتانی توکا کئیت که بی بی دهم بعثت دهمءِ ماهءِ مبارک ءِرمضانءَ چه اِے کوڑهیں دهرا رُکستءُ دان ابد بهشتءِ هنکینءَ جهگیرءُ ماندگار بوت.

سالے که بی بی حجیجه وفات کتگ آسالءَ عربی زبانءَ عام الحُزن بزان گمءُارمانءِ سالءَ گُوَشنت.

بی بی مومنانی مات اِنت که الله جل جلاله وتی پاکیں کلامءَ حضرتءِ رسول (ص) لوگ بانُکانءَ امهات المومنینءَ گوشیت.

جی دوستان بی بی حجیجه(رض) وفاتءُ بیرانی هم په نبی پاک (ص)مزنین گمءُ ارمانی اَت که همیشهءُ دائم واجهءِ کمک کنوکءُمَـدَ ت کنوک اَت ءُ هم په بی بی فاطمهءِ زهرا (س) ءُ هم په عالمءِ اسلامءَ مزنین گمءُ مصیبتی اَت.

 ما اے مزن نامءُ مزن شانین بی بیءِ رحلتءُ وفاتءَ تسلیتءَ گوشینءُ وتی دلپدردیءَ جارءَ جنین .

ربءِ پاک مئے آسرءُ عاکبتءَ هیرءُ مارا ایمانءِ واهند بکنت آمـــــین.