بلـــــوچی لـــ چہ

جُداہاں' کہ شپاناں واب نئیتیں چہ ساہاں' کہ شپاناں واب نئیتیں

ھماہیں ساھگءَ گِستاہاں تئیگءَ
ھماہاں' کہ شپاناں واب نئییتیں

دلءَ آرام چِہ پئیمءَ کئیت روچءَ
نگاہاں کہ شپاناں واب نئیتیں

ماں پِگرءِ بندیکءَ یاقوتیں واباں
کماہاں' کہ شپاناں واب نئیتیں

کجام پہ وشیں بانداتےءِ دیدءِ
گَلاہاں' کہ شپاناں واب نئیتیں

ھما باریگءُ نوبت نوں ماں واباں
نیاہاں کہ شپاناں واب نئیتیں

چراگے آں سراج اوستانی گواتءِ
سراہاں' کہ شپاناناں واب نئیتیں

سراج ساحر

مجیـــد ولی

منی دیم ءَ یک نبشتانکے گْوست کہ *سید گنج ءِ لبزانی بزانت ءِ سر ءَ چمشانکے* ءِ بُنگپ ءَ نبیسّگ بوتگ اَت.
من اے نبشتہ کار ءَ نہ زان آں کہ کے اِنت, ءُ آئی ءَ انچُکیں دپارے پرچا چست کُتگ, سید گنج ءِ نزّواروک آئی ءِ ترتیب دیوک بلّے دگر بیتگ اَنت بلے اے گال سید کُنڈ کُنڈ ءَ ترّ اِتگ ءُ گپتگ اَنت, ءُ من نہ زان آں اے نرد چوں گال ءَ یک مانایے دیگ ءَ اِنت. ھالانکہ ھچ زبان ءَ گالانی مانا یکّے نہ اِنت, ھر دمگ ءَ یکّیں گال ءِ دگہ مانایے, چوش کہ مکران ءَ *مِنڈ* مادگیں کُچک ءَ گُش اَنت, ءُ سلیمانی ءَ *جِنڈ* جنیں چُکّ ءَ گْوش اَنت.
من ءَ امیت اِنت کہ آ واج ءِ نگد انچیں تئی وڑیں نگد بیتگ اَنت کہ ایشانی سر ءَ کسّ ءَ وھد زوال کنگ ءِ موہ نہ بیتگ, اے کتاب منی ءُ تئی وڑیں مردماں ھیرت چاری نہ کُتگ بلوچی ءِ بُرزشانیں ندکاراں ھیرت چاری کُتگ, اے مرد ءِ کہ تو نام نبشتگ ایشی ءِ نام ھمیش اِنت تئی ند ءَ دیستگ.
تو گْوش ئے آپ ءَ *زُپّگ" کارمرد نہ بیت بیا مند گوبرد ءَ من ترا پیش دار آں کہ زُپّگ, شُلُنچگ, کارمرد بنت,
ءُ *آبست* ھم مئے دمگاں کارمرد بیت, بندگاہ ھم گْوش اَنت ءُ *آبست* ھم گْوش اَنت بلے تئی وڑیں چے زان اَنت کہ ناں جاگھے شُتگ اَنت ناں کہ جاھے دیستگ اِش,
مئے نیمگ ءَ من ترا چار پیش دار آں کہ آپت پہ بلاہ ءُ چالاک ءَ دوئیناں کارمرد بیت, تو ایشی ءَ وتگڑینے گْوشگ ءَ ئے, باید اِنت اے وڑیں گُھے ورگ ءَ پیسر تئی للّک بُرّ اِتیں بلے بژن کہ مُلک نیست, سید ءِ سر ءَ گپ جنگ ءَ پیش بہ رو وتی جند ءَ بہ وان کہ ترا کے ءَ زندگ کُتگ.
سید بلوچی ءِ پیگمبر اِنت, آئی ءِ جاہ ءَ داں مُزروچ ءَ بلوچی ءِ تہ ءَ کس گپت نہ کنت.
تو نگد کُتگ کہ *آپ ءِ سر ءَ ٹپ نہ بیت* ٹپ نشان ءَ گْوشگ ءَ اِنت, انچو وَ تو بہ زان ئے کہ اد ءَ آئی ءِ مراد ھما نشان اِنت کہ آپ ءِ سر ءَ رندگ بیت, اد ءَ ھم تئی نگد ءَ ھچ وزن نیست, ءُ تئی بستار چے اِنت کہ تو بلوچی ءِ گالانی سر ءَ ایراد آرگ ءَ ئے.
اے تئی کینگ ءِ آس اِنت, تئی اے نبشتگینانی تہ ءَ ابید کہ کینگ ءُ وت منّی ءَ دگہ ھچ نیست اَت کہ باوستے بہ کُتیں, بلے اُمیت کن آں کہ دیمتر ءَ ند ءِ چست کنگ ءَ پیش وت ءَ چار ئے, دیم ءِ مردم ءَ چار ئے ءُ پد ءَ وتی ءُ آئی ءِ کرد ءَ چار ئے
تئی کستر:- مجیب ولی

:
به مناسبت فرا رسیدن سال تحصیلی جدید؛ جمله ای در دانشگاه هاروارد نوشته شده است که می گوید:
" درد تحصیل لحظه ای است و تمام می شود. اما بی توجهی به تحصیل دردی است که تا پایان عمر استمرار می یابد"
یعنی :
"کسی‌‌ که تلخی تعلّم را ساعتی تحمل نکند، پستی جهل را تا آخر عمرش خواهد چشید"
این عبارت ها را به فرزندانتان آموزش دهید. و پیام های تمسخر آمیزی که باعث ایجاد تنفر نسبت به مدارس می شود را تبادل نکنید.

تبریک آغاز سال تحصیلی
🌺🌺🌺🌺🌺🌺🌺🌺انسانم آرزوست🌺🌺🌺🌺

نمیرانیں سیـــدءِ گالے

*دستونک*

نهنگیں درد من ءَ پیچ اَنت ، درداں من پیچاں 

کہ ا‎ے نہ سند ءُ نه کٹوکیں تیل پالیچاں

میار انت لنجیں زرانی مراد مروارد 

چتور اوست ءُ اُمیتانی پتّر ءَ پیچاں

بہ سبزایت بلکیں چہ هاران منی کشار تئی 

گهے نهنگءُ ، گهے کاجوءُ گهے کیچاں

پد ءَ پہ ساٹگ ءَ دلبرّیں درد اومان اَنت 

که شادهانی سْرمیں شهد ءُ شکّلاں ریچاں

برے پہ هانل ءَ گلکاریں گال پربنداں

برے پہ راج ءَ چکنکاریں درداں درّیچاں

چہ بهبهانی گلیں تراناں کدّهی کیلاں 

چہ دردءُ دوراں چو کرمانی تاس ءَ سرّیچاں

نہ کنت مرگ ءِ شلیں هور ترونگلینت من ءَ 

کہ زند ءِ کورم ءِ آس ءِ کریچ ءُ اگریچاں

مہ آزگین اَنت گل ءِ آسکی گریهـ ءُ گیوّار ءَ

دُناں زروک ءُ زبادیں گوں دیدگاں گیچاں 

اے زند شیرجتیں اَندوهاں کرمچ کرتگ 

پہ مستیں مرگے ءِ وشّاتک ءَ سیاه مار میچاں

سید نہ کنت من ءَ کوهیں مرگ دْرشت نہ کنت 

که واهگ ءِ گلیں زوراکیاں چه گد گیچاں

 
🌹ســـــیـــــد هاشـــمــــی

وشــــکند

روباھی عربی را گاز گرفت پس عرب نزد طبیب رفت. چون خجالت میکشید بگوئید روباہ گاز گرفتہ پس گفت سگ مرا گاز گرفتہ ھست.طبیب شروع بہ درست کردن دارو کرد. در ھمین ھنگام عرب گفت اگہ دارو گاز گرفتگی روباہ داری اضافہ کن
ــــــــــــــــــــــ

اربے ءِ پاد روباہ ءَ دپ جت گڑا ارب تبیب ءِ کر ءَ شُت وھدے جست ئِے کُت چے ءَ ترا دپ جتگ گڑا ارب ءَ لج بیت بہ گوش ایت روباہ ءَ دپ جتگ. گوشت ئِے کُچک ءَ من ءَ گَٹّ پاتکگ تبیب دوا ءِ جوڑ کنگ ءَ دلگوش بیت.
ھمے وھد ءَ ارب ءَ گوشت اگاں روباہ ءِ دپ جنگ ءِ دوا ھست ھوار ئِے کن گوں .
،،،،،،،،،،،،،،،،،،
از روباھی پرسیدند کہ چند تا نیرنگ برای گریز از دست سگ بلدی گفت از صدتا بیشتر بلدم ولی بھترین انھا این ھست کہ ما ھیچ وقت یکدیگر را نمی بینیم
،،،،،،،،،،،،،،،،،،
روباه اِش جُست گپت کہ وت ءَ چہ کُچک ءِ رَکینگ ءِ واستا تو چینچو رِپک ءُ ھُنر زان ئے گوشت ئِے سد ءَ چہ گیش زان آں بلے اشاں چہ شرتریں چوش انت کہ ناں آ من ءَ گند ایت ناں من آیاں( بزاں ما گوں یک دگر ءَ گو ڈیکّ نہ ور ایں)

عبید زاکانی

رجانک/چوٹا

📚بلوچی وانگءُ زانگءِ دیوان📚

گال ءُ گالرد (کلمہ ءُ جملہ ) word and sentence

چوش کہ "گالرد" چہ گال ءَ جوڑ بیت گڑا مارا پیسر ءَ گال زانگ لوٹ اِیت وھدیکہ ما گال زانت گالرد وت زانگ بیت.
انسان ءِ دپ ءَ کہ یک آوازے در کیت ھما آواز ءَ گپ گْوش اَنت، ءُ ھر گپ ءِ ٹُکرّ ءَ گال گْوش اَنت بزاں آبانی یک مُچّی یے کہ بزانتے بہ دار اِیت ما آئی ءَ گال گْوشت کن ایں ھمے گال ءَ ماں اربی ءَ "کلمہ" ءُ انگلش ءَ ورڈ word گْوش اَنت.
وھدیکہ باز گال ھور بیت ءُ یک سرجمیں گپّے جوڑ بیت آ گالرد گوشگ بیت ، گالرد ءَ اربی ءَ "جملہ" ءُ انگلش سِنٹینس sentence گْوش اَنت.

پد ءَ گال ءِ سے تَھر اَنت
نامگال، کارگال ءُ تپورگال.

*نامگال*:
ھما گال کہ کجام انسان، ھیوان، جاگہ یا چیزے ءِ...... نام بہ بیت آ نامگال گْوشگ بیت چوش کہ:
سابر، سیاھلو ، پاروک، شیتان، اشتر، اپس، لوگ، سیاھتگ، کوہ، دریا، بلوچستان ، باھوکلات. ءُ دگہ دگہ.

*کارگال*:
ھما گال کہ ماں آئی ءَ کجام کار ءِ کنگ یا بیگ ءِ بزانت یک وھد ءُ زمانگے ءَ گندگ بہ بیت چوش کہ:
کیت، آتکگ، روت، وان ایت، نبیس اِیت ، بہ وان، بہ نبیس..دگہ دگہ.

*تپورگال*:
ھما گال کہ ناں کسے ءِ نام بہ بیت ءُ ناں کار ءِ کنگ ءِ بزانت ماں آئی ءَ بہ بیت بلکیں پہ دگہ گالانی ھور کنگ ءَ پدونڈ ءُ پیشونڈی دروشم ءَ کا اَنت ، ءُ دانکہ گوں نامگال ءُ کارگال ءَ ھور مہ بنت وتی سرجمیں بزانت ءَ دات نہ کن اَنت. چوش کہ:
ماں، چہ ، داں، ءَ، ءِ، دگہ دگہ.

دلگوش:
نامگال ءَ ماں اربی ءَ "اسم" ءُ انگش ءَ "ناؤن" noun
کارگال ءَ اربی ءَ "فعل" ءُ انگش ءَ "ورب" verb
تپورگال ءَ اربی ءَ "حرف" ءُ انگلش ءَ "پرے پوزیشن" preposition گْوش اَنت

م شکاری

https://telegram.me/juhdekarwan

وشــــکند

 

*جوانیں ءُ زیب داریں کیسہ* 👇🏻

روچی پهوال ءَ گوشت اِش مشمئے ملک ءِ دُز گِرَگ بیتگ توگوش ئے چونی بہ کَن انت
پِهوال ءَ گوشت:

واجہ کارمسترے(حاکم) دَست بائدسِندَگ بہ بیت درو اَجِِکہ بیت اَنت!!!!!!!!
اے گڑا چوں ؟؟؟؟
کارمستر ءَ وَ دُزی نہ کُتگ!!!!!؟!؟!؟!
پهوال ءَ پسودات: اسلی گناهکار کارمستراِنت کہ آئی ءِ مُلک ءِ مردم لاپ ءُ ماشءِ وَست ءَ دُزی کَن اَنت!!!!!!!!!!!
🤔😭😭😭😭😭😭😭 🤔

 

حکایتی خواندنی وزیبا👇

روزی بهلول را گفتند؛
شخصی که دزدی کرده بود را گرفته اند،
به نظرت باید چکارش کنند ؟
بهلول گفت :

باید دست حاکم آن شهر را قطع کرد !!!
همه با تعجب پرسیدند ؛ چرا ...؟!
مگر حاکم دزدی کرده که دستش را قطع کنند؟
بهلول در جواب گفت؛
گناهکار اصلی حاکم شهر است
که مردمش باید برای امرار معاش
دزدی کنند...!

✍🏻 *بےتاکیں پُل گلجان*🌴🌺

لَبـــزاں

بلوچي: کَنِيچ kanēč
کردي: کِچ kəč (دُوَر، کناچه knāča)
تبري: کيجا kījā
فارسي: کنيزک kanēzak دخترک دوست داشتني
*
اوستايي: رَئوچَنْگْهْ raôčangh
فارسي باستان: رَئوچَ raôèa
پهلوي رُوچ rôè
بلوچي رُوچ rôè
کردي رُوژ rôè
کرماشاني روژ rūž
فارسي روز ruz
*
اوستايي اَپ ap
پهلوي آپ āp
بلوچي آپ āp
فارسي آب āb
کردي آو āw
*
اوستايي اَسْرو asru
پهلوي ارس ars
بلوچي هَرس hars
بلوچي اَرس ars
کردي اَسْرْ asr
فارسي اشک ašk
*
اوستايي آتَرْشْ ātarš
اوستايي آتَرْ ātar
پهلوي آتور ātur
پهلوي آتخش ātaxš
بلوچي آچِش āčeš
کردي آگِر āgər (آوِر)
فارسي آذر āzar (آتش ātaš)
*
پهلوي آماتَک āmātak
بلوچي آماتَگ āmātag
کردي آمادَ āmāda
فارسي آمادَ āmāda
سپاهان و تهران آمادِ āmādē
سرچمگ: بنوسئد

ڈڈی

پیریں پِت ءَ وتی دست چُکّ ءِ کوپَگ ءِ سر ءَ اِیر کُرت ءُ گوَشت ئِـے :
تو ڈَڈ تِرئے کہ من؟
چُکّ: من
پِت دلپروش بوت ءُ پَد ءَ جُست ئِـے کُرت:
تو ڈَڈّ تِر ئے کہ من؟
چُکّ: من
پِت ءَ پَھکیں ھِزمت کہ چُکّ ءِ واست ءَ کُرتَگ اِت اَنت ھیال ءُ ترانَگ ءَ کَپت ءُ دست چہ چُکّ ءِ کوپَگ ءَ چِست ئِـے کُرت ءُ آ کَشتِر کِنز اِت ءُ سَیمی بَر جُست ئِـے کُرت کہ:
تو ڈَڈّ تِرئے کہ من؟
چُکّ: تو
پِت ھَیران ھَبَکّہ بوت ءُ جُست ئِـے کُت کہ : پرچا تئی دیدانک بَدل بوت چُکّ ءَ گوَشت کہ آ وھدیکہ تئی دست منی کوپَگ ءَ اِیر اَت منی مارِشت اِش اَت کہ مزنیں کوھے منی پُشت ءَ اَت .

جـــــوانیں گپّ

پیریں پِت ءَ وتی دست چُکّ ءِ کوپَگ ءِ سر ءَ اِیر کُرت ءُ گوَشت ئِـے :
تو ڈَڈ تِرئے کہ من؟
چُکّ: من
پِت دلپروش بوت ءُ پَد ءَ جُست ئِـے کُرت:
تو ڈَڈّ تِر ئے کہ من؟
چُکّ: من
پِت ءَ پَھکیں ھِزمت کہ چُکّ ءِ واست ءَ کُرتَگ اِت اَنت ھیال ءُ ترانَگ ءَ کَپت ءُ دست چہ چُکّ ءِ کوپَگ ءَ چِست ئِـے کُرت ءُ آ کَشتِر کِنز اِت ءُ سَیمی بَر جُست ئِـے کُرت کہ:
تو ڈَڈّ تِرئے کہ من؟
چُکّ: تو
پِت ھَیران ھَبَکّہ بوت ءُ جُست ئِـے کُت کہ : پرچا تئی دیدانک بَدل بوت چُکّ ءَ گوَشت کہ آ وھدیکہ تئی دست منی کوپَگ ءَ اِیر اَت منی مارِشت اِش اَت کہ مزنیں کوھے منی پُشت ءَ اَت .

زاکـــانی

۱ـ ھر کس ریشہ و اصل خود را فراموش کرد بہ یادش بیاورید.
ــــــــــــــــــــــ
ھر کس کہ چہ وتی زات ءُ زانشت ءَ وت ءَ دیر داشت بزاں(وتی راج ءُ زات (بُندر)ءَ چہ شموشکار بوت) آیاں ھر وھد ٹوھین اِت.
،،،،،،،،،،،،

۲ ـ بہ خود پسندان سلام ندھید.
ــــــــــــــــــــــ

ھما کس کہ وتءَ باز ساڑا ایت ءُ پاد ئِے چہ زمین ءَ چست اَنت کس ءَ وتی مٹ نہ کنت گوں آئی ءَ نند ءُ نیاد مزنیں ردی یے
،،،،،،،،،،،،،،،،،،

۳ ـابرو در ھم کشیدہ و گرہ بر پیشانی زدہ .ترش رو.دروغگو.بی ادبان را لعنت کنید.
ـــــــــــــــــــــــــ
دیم تھاریں کِرچْک پیشانیگ ءُ بٹاک جنوک ءُ بے زانتانی سر ءَ پِٹ ءُ نالت دیم دے اِت
،،،،،،،،،،،،،،،،،

۵ـخود را از بند نام ننگ برھانید تا آزاد توانید زیست.
ــــــــــــــــــــــــــ
گوش اَنت گوشت گامیش ءَ سَگّ اِتگ ءُ زَرّ گَوْراں ...
(نامءُ
ننگ ءِ دارگ ھم ھنچوش انت)
،،،،،،،،،،،،،،،،

۶ـطعام و شراب را تنھا نخورید چون این کار شیوہ قاضیان و جھودان باشد.
ـــــــــــــــــــــ
وشیں وَراک ءُ شراب ءَ اِیوک ءَ مہ ور اِت کہ کازی ءُ جھودانی پیشگ اِنت.
،،،،،،،،،،،،،،،،،،

۷ ـراستی و انصاف و مسلمانی را از بازاریان مطلبید.
ـــــــــــــــــــــــــ
چہ دکاندارانی کِرّ ءَ اے اوست ءَ ھجبر اِیر مہ کن کہ گوں ترا تِچکیں گپ ءَ بہ جن اَنت (بِلّے پنچ وھداں دیم پہ مسیت ءَ پانچگ ءَ لانچ اِیت پہ نماز ءَ)
،،،،،،،،،،،،،،،،،،

۸ ـ حج مکنید تا حرص بر مزاج شما غلبہ نکند تا بی ایمان و بی مروت نگردئید.
ـــــــــــــــــــــــــــ
اگاں لوٹ اِت ٹَگی ءُ ٹوری دگرانی مال ءِ ورگ ءَ ھُدوک مہ بہ اِت. گڑا ھجّ ءَ مہ رو اِت تاں شمئے ایمان سرجم بہ بیت
،،،،،،،،،،،،،،،،،

 

اُبید زاکانی/سد پند

رجانک/چوٹا

📚بلوچی وانگءُزانگءِ دیوان📚

*رجانک*

 

*زی منی ھمساھگ چہ گُژن ءَ مُرت! بلے پہ آئی ءِ پُرس ءَ پس ءُ میش کُشگ بوت اَنت !*

*دکتر الی شریتی*

*✍🏻رجانک: آبد رھشون*

وشکــــند

از زردشتی پرسیدند (اناللہ و انا الیہ راجعون) یعنی چہ؟گفت من تفسیر آن را نمی دانم.اما اینقدر میدانم کہ در عروسی.جشن.مھمانی.. اسمش را نمی گویند.
★★★
چہ یک زردشتی یے جست اِش گپت کہ (اناللہ و انا الیہ راجعون) ءِ بزانت چی اِنت؟
زردشتی ءَ پَسّو دات کہ ایشی ءِ بزانت ءَ من نہ زان آں! بلے ھمینچو سرپد آں کہ آروس ءُ مھمانی ءُ شادھیں روچاں ایشی ءِ نام ءَ نہ گِر اَنت.
ـــــــــــــــــــــــــــ

بہ عربی گفتند تو حالا پیر شدی عمرت بہ تباھی رفت توبہ کن بہ سفر حج برو.عرب گفت ھزینہ سفر ندارم گفتند خانہ را بفروش ھزینہ سفرت کن.جواب داد کہ اگر از سفر برگشتم کجا زندگی کنم و اگر بر نگشتم مجاور کعبہ مانم خدا نمی گوید ای احمق چرا خانہ خود را فروختی و در خانہ من منزل گزیدی؟؟

★★★
اَرَبے ءَ گوشت اِش کہ تو وتی زند پہ تباھی گوْاز اینتگ ھنی پیر ئے نی توبہ کن برو ھَجّ (حج) ءَ پَسّو ئِے دات کہ ھَج ءِ روگ ءِ نول ءُ کرایہ من ءَ نیست.گڑا گوشت اِش وتی لوگ ءَ بھا کن وتی سپر ءِ ھرچ درچ ئِے بہ کن. اَرب ءَ گْوشت من اگاں سپر ءَ چہ واتر کُت گڑا کجا نند آں .اگاں ھمود ءَ ھج ءَ جاھمنند بیت آں گڑا ھدا نہ گوش اِیت کہ او ھوڑ پرچا وتی لوگ اِت بھا کُت نی منی لوگ ءِ تہ ءَ کَپتگ ئے؟؟

اُبید زاکانی

رجانک/چوٹا

📚بلوچی وانگءُ زانگ ءِ دیوان📚

بُن گـــــپّ

بُنگپّ
✒📖📚👩🏻‍🎓👨🏻‍🎓
*نودربرجاه*

*دَربرجاہ، زانشت ءِ گوانزگ اِنت، کہ گوں چیکّاں وتی نودر بر ءَ زانشت بکش ایت ءُ نودر بر ءِ زانت ءِ امبار ءَ وَدّین ایت ءُ زانشت ءَ پراہ ءُ شاھگان کنت*
*دربر جاہ اِنت،کہ دربروک ءَ ماں زانت ءُ زانشت ھما سیمسراں سرکنت، کہ در بروکیں نودربر دستء وَت گوں زانشت ءِ واک ءُ وَس ءَ پہ وتی لَس ءُ مَھلوک ءَ اَنچوش پہ انسانی چاگِرد ءَ نوک ءُ جوانیں اَزباب جوڑین اَنت ،دربرجاہ اِنت کہ گوں وتی نودربرانی زانشت ءِ واک ءُ وس ءَ پہ وتی پہ وتی راج ءَ جوانیں بانداتے وَدی کنت*
*ھر ھما راجاں کہ دربر جاھانی کَدر کُتگ ءُ وتی کوم ءِ نودربریں بَچّ ءُ جَنک پہ زانت ءُ زانشت ءِ دَربرگ ءَ ماں دربرجاہ ءَ دیم داتگ اَنت، بگندئے آ راج وشھال اَنت ءُ آ دربرجاھانی بکشاتگیں زانت ءُ زانشت ءِ کُمک ءَ ماہ ءِ سر ءَ بوتگ اَنت*

✍🏼 *آزات بلوچ ۱۳ستَمبر۲۰۱۷*
🌴🐪 *بـــــلوچستان لـــــبزانکی کـــــاروان* 🐪🌴

گل محمد وَپا

💕💫💕💫💕💫💕💫💕💫

( گل محمد وفا )

پہ ترا بُو ءُ بُس ءُ پہ مانشانی گوْاتے
داں نہ جنت زند بَدیں مَرگ ءَ وتی شھماتے

پُرس اتوں سھبءِ ھمک رھگوْزءَاھوال تئی
نے سلامے ، نے کُلہ ، نے کہ چہ تو درْھباتے

جزماں امبازاں گراَنت گوانکاں مُلوریں ماہے
شات ءُ کندان ءَ مئے فکر ءِ گُھار ءُ براتے

زاناں کہ بُوتہ پد ءَ مسک ءُ زباد ءِ کمّی
تئی بیکانی تہ ءَ وھدے گمیگ اِنت شاتے

ما ھمک تھر وفا لوٹیں بلے کئے بہ کشّیت
مھر پہ لوٹ ءُ طلب ، داد ءُ دہ ءُ ھیراتے

💕💫💕💫💕💫💕💫💕💫

وشــــکند

گوشکند 😄

کلاس اول اَتوں وانینوک یک بنگپے ءَ سرپدی دیگ ءَ اَت یبرا گوشت ئَے!

کسے ھست بہ گوش ایت پہ چی ءَ؟🤔

من گوشت : من بہ گوش آں !!!☝️

گوشت ئَے بہ گوش باریں ...😊☺️
.
.
.
.
من ھم گوشت : پہ چی ءَ ؟😳

ادارے ءَ پہ مُشت ءُ چاپیل منی جت، انگت ھم نہ زان آں پہ چی ءَ ؟😭😁😂😜
رجانک / ھارون اخلاقی #
کورُشیں گال #

رونءُمـــوَش

-

وَشّیانی رون ءُ موش ءَ گُرسَتاں اومان کتگ.
گوں وتی زِبریں زُباناں دل جَتَگ سوھان کُتَگ.

بیمّ ءُ سَکّ پاتْراپ اِش داتَگ دِلجَمیں زِرد ءَ گَلیں.
بےگَتیں بیمّ ءَ گَمانی زِرد تَپ ءُ توھان کُتَگ!

گوں گَزَب ھُکم اِش کُتَگ پہ دیدَگاں بےچارَگیں!
دیدَگاں ھَم ماں اَنارکاں اَرس گَم ءِ جوھان کُتَگ.

پَشت نہ گِپت یَکّے چہ جان ءَ توریں وَرنایی گَڑیں!
دَم پہ دَم ھاٹیگ ءُ پُلّیں ھِمَّت ءَ دْروھاں کُتَگ.

جَزم زان آں بےسَما تو پہ وتی رَکّینَگ ءَ؛
وَسَّر ءَ دیم اِت پہ بُرز ءُ تیھُریں کوھاں کُتَگ!!!
💫✨💎
----------------------💎
لَچّھکار: آزات بےسَما.
شِنگ:(بےسَما دیوان).

💫✨💎

وشــــکند

گـوشکنـد. 😄😜 😂

مـلالُتـر شتـگ اَت ھَـجّ ( حج) ءَ
وھـدے کـہ چـہ ھَـج ءَ پہ سلامتی واتر ئَے کـت، شَُـت ھمـا دُکان ءَ کہ وام ءُ شَین ئَے کتـگ اَت!

دکان دار ئَے گوشت ھما دپتر ءَ درگیـج کہ منی وام نبشتگ اَنت!

دُکاندار ءَ گَلے چِت کہ ملالتر ھج ءَ شتگ ءُ آتکگ نی اَلم ءَ وتی واماں ساپ کنت.

بیچارگیں دکاندار ءَ پہ گَلے وامانی دپتر پیش کت،
ملالُتر ءَ گوشت منی نام ءَ درگیج!

دکاندار ءَ گوشت لُتر پُل اے ھم تئی مبارکیں نام!

ملالُتر ءَ گوشت شاباش!
نی منی نام ءَ چہ ملالُتر ءَ ھاجی ملالُتر بہ نبیس!!
😜😜😜😄😄😄😄😄😂
رجـانک / ھارون اخلاقی#

نہ وشـــیں ھال

انالله واناالیه راجعون.
بے گمان ماچه هدا اینءُ.المءَهماییءِنیمگءَاِنت مئی واتر کنگ
🌹🌹🌹🌹
بژنءُاپسوزانت که بلوچستانءِ زانشتی آزُمانءَ دگه ترپناکین استارے سِستءُ جتا بوت.
داکتر الی رزا مبارکی.زاهدانءِ جانسلامتی مزن شهدربرجاهءِدرمانی کماش کورهیں دهرءَیلو کتءُمُدیمی هنکینءَ وَپت.
من اے گمیگیں مسیبت. ُبژنءُ نه وشیں هالءَ بلوچ راجءَدل تسلی دے آن.ءُ چه هاوندءَ لوٹوک آں. کومءِ مدت کنگءَ هنچوشیں زهگ به رودین ایت.که مئی کومءِدل آرام به بیت.
😭😭😭😭
ما درستاں مبارکی کهولءُ بلوچ راجءِ درداں شریک درایں.
🌹🌹🌹🌹
ساسان چه زاهدان

وشکــــند

گْوَش ءُ کَند 🤣

ملا لُٹُّر چہ ھَجّ ءَ کیت.

جُست ئِے کن اَنت : ھَجّ چُتور اَت ، واجہ ھُدا ءِ لوگ اِت دیت؟

گْوَشت ئِے کہ: سَکّ باز ڈوک ماں مَنی سَر ءُ جان ءَ لَگّ اِت، بلے آسَر ءَ چُکّ اِت اوں!!!
😆🤣😆🤣☝🏻

 

کورُشیں گال

زھـــگانی وانینگ

 

*زھگانی وانینگ ءِ درگت آتکگ ءُ رس اِتگ نوکیں سال پر بیتگ، من نوکیں وانگ ءِ سال ءَ پہ وانوک ءُ وانینوکاں مراد بات گوش آں ءُ آیانی سوبمندی ءِ واھگداروں*

ﺯﮬﮓ پت ءُ مات ﺀِ ﺯﻧﺪگی ﺀِ پدانک ﺍِﻧﺖ
ﺯﮬﮓ ﮬﻤﺎ ﻣﺰﻧﯿﮟ نیامت ﺍِﻧﺖ ﮐﮧ ﭘﺖ ءُ
ﻣﺎﺕ ﺀَ ﭼﮧ ﻭﺗﯽ ﺟﺎﻥ ﺀَ ﮬﻢ ﺩﻭﺳﺖ ﺗﺮ ﺍِﻧﺖ.

ﺯﮬﮓ ﺀِ ﺩﻭﺳﺘﯽ ﭘﺖ ﺀِ نز ﺀَ ﮬﻤﺎ
ﮐﺴﺎﺱ ﺍِﻧﺖ ﮐﮧ ﭘﮧ ﺁﺋﯽ ﺀِ ﮬﺎﺗﺮ ﺀَ ﮔﺮﻣﯽ ءُ ﺳﺎﺭﺗﯽ ﺑﺮﺩﺍﺷﺖ ﮐﻨﺖ ﺑﻠﮯ
نیل ایت ﮐﮧ ﺁﺋﯽ ﺀِ ﺯﮬﮓ ﺩﮔﺮﺍﻧﯽ ﭼﻤﺪﺍﺭ بہ بیت.

ﺯﮬﮓ ، پت ءُ ﻣﺎﺕ ﺀِ ﺩﻝ ﺀِ ﺑﻨﺪ ﺍِﻧﺖ ﮐﮧ
ﻭﺗﯽ ﺷﯿﺮﮐﻨﯿﮟ ﻭﺍﺏ ﺀَ ﭘﮧ زھگانی ھاتر ءَ ﮐﺮﺑﺎنی کن انت.

انچوش ﮐﮧ ﺯﮬﮓ ﺳﮏ ﺩﻭﺳﺘﻨﺎﮎ ﺍِﻧﺖ ﮬﻤﯿﻨﭽﻮک ﺁﺋﯽ ﺀِ ﺭﻭﺩﯾﻨﮓ ءُ ﺗﺮﺑﯿﺖ ﮐﻨﮓ
ﮬﻢ ﮔﺮﺍﻥ ﺍِﻧﺖ، ایشی ءَ ھر کس کہ وت ئَے چک ھست انت زانت ءُ سرپد انت کہ ﺯﮬﮓ ﺀِ ﺗﺮﺑﯿﺖ ﮐﻨﮓ ﭼﮧ ﻻﭖ ﺩئیگ ﺀَ ﮔﺮﺍﻥ تر ءُ ﺳﮏ ﺗﺮ ﺍِﻧﺖ.

ﺍﭘﺴﻮﺯﯼ ﮔﭗ ﺍِیش انت ﮐﮧ ﻣﺎ ﻭﺗﯽ ﺯﮬﮕﺎﻧﯽ ﭘُﭻ ءُ ﭘﻮﺷﺎﮎ ، ﻭﺭﺩ ءُ
ﻭﺭﺍﮎ ﺀَ ﺑﺎﺯ ﺩﻟﮕﻮﺵ کن ایں ﺑﻠﮯ ﭘﮧ ﺁﺋﯽ ﺀِ ﻭﺍﻧﯿﻨﮓ ءَ ﮐﻤﺘﺮ ﭘﮕﺮﻣﻨﺪ ﺍﯾﮟ ءُ ﺑﺎﺯ
ﺯھﻤﺖ نہ کش ایں ءُ ﭘﺪﺍ ھم ﻧﺎﻟﯿﮟ ﮐﮧ ﻣﺌﮯ ﭼﮏ ﺷﯿﺘﺎﻥ ﺍَﻧﺖ ﮬﺒﺮ نہ گِر ﺍَﻧﺖ.
کـورُشـیں گـال#

وانینگ ءِ درگت آتکگ ءُ رس اِتگ نوکیں سال پر بیتگ، من نوکیں وانگ ءِ سال ءَ پہ وانوک ءُ وانینوکاں مراد بات گوش آں ءُ آیانی سوبمندی ءِ واھگداروں*

ﺯﮬﮓ پت ءُ مات ﺀِ ﺯﻧﺪگی ﺀِ پدانک ﺍِﻧﺖ
ﺯﮬﮓ ﮬﻤﺎ ﻣﺰﻧﯿﮟ نیامت ﺍِﻧﺖ ﮐﮧ ﭘﺖ ءُ
ﻣﺎﺕ ﺀَ ﭼﮧ ﻭﺗﯽ ﺟﺎﻥ ﺀَ ﮬﻢ ﺩﻭﺳﺖ ﺗﺮ ﺍِﻧﺖ.

ﺯﮬﮓ ﺀِ ﺩﻭﺳﺘﯽ ﭘﺖ ﺀِ نز ﺀَ ﮬﻤﺎ
ﮐﺴﺎﺱ ﺍِﻧﺖ ﮐﮧ ﭘﮧ ﺁﺋﯽ ﺀِ ﮬﺎﺗﺮ ﺀَ ﮔﺮﻣﯽ ءُ ﺳﺎﺭﺗﯽ ﺑﺮﺩﺍﺷﺖ ﮐﻨﺖ ﺑﻠﮯ
نیل ایت ﮐﮧ ﺁﺋﯽ ﺀِ ﺯﮬﮓ ﺩﮔﺮﺍﻧﯽ ﭼﻤﺪﺍﺭ بہ بیت.

ﺯﮬﮓ ، پت ءُ ﻣﺎﺕ ﺀِ ﺩﻝ ﺀِ ﺑﻨﺪ ﺍِﻧﺖ ﮐﮧ
ﻭﺗﯽ ﺷﯿﺮﮐﻨﯿﮟ ﻭﺍﺏ ﺀَ ﭘﮧ زھگانی ھاتر ءَ ﮐﺮﺑﺎنی کن انت.

انچوش ﮐﮧ ﺯﮬﮓ ﺳﮏ ﺩﻭﺳﺘﻨﺎﮎ ﺍِﻧﺖ ﮬﻤﯿﻨﭽﻮک ﺁﺋﯽ ﺀِ ﺭﻭﺩﯾﻨﮓ ءُ ﺗﺮﺑﯿﺖ ﮐﻨﮓ
ﮬﻢ ﮔﺮﺍﻥ ﺍِﻧﺖ، ایشی ءَ ھر کس کہ وت ئَے چک ھست انت زانت ءُ سرپد انت کہ ﺯﮬﮓ ﺀِ ﺗﺮﺑﯿﺖ ﮐﻨﮓ ﭼﮧ ﻻﭖ ﺩئیگ ﺀَ ﮔﺮﺍﻥ تر ءُ ﺳﮏ ﺗﺮ ﺍِﻧﺖ.

ﺍﭘﺴﻮﺯﯼ ﮔﭗ ﺍِیش انت ﮐﮧ ﻣﺎ ﻭﺗﯽ ﺯﮬﮕﺎﻧﯽ ﭘُﭻ ءُ ﭘﻮﺷﺎﮎ ، ﻭﺭﺩ ءُ
ﻭﺭﺍﮎ ﺀَ ﺑﺎﺯ ﺩﻟﮕﻮﺵ کن ایں ﺑﻠﮯ ﭘﮧ ﺁﺋﯽ ﺀِ ﻭﺍﻧﯿﻨﮓ ءَ ﮐﻤﺘﺮ ﭘﮕﺮﻣﻨﺪ ﺍﯾﮟ ءُ ﺑﺎﺯ
ﺯھﻤﺖ نہ کش ایں ءُ ﭘﺪﺍ ھم ﻧﺎﻟﯿﮟ ﮐﮧ ﻣﺌﮯ ﭼﮏ ﺷﯿﺘﺎﻥ ﺍَﻧﺖ ﮬﺒﺮ نہ گِر ﺍَﻧﺖ.

    #کـورُشـیں گـال# کارمستر واجہ ھارون اھلاکی

*عـطا شـاد*

اے چتوریں سرگنوک انت پہ کے ءَ ودار بند انت
کسے دامنے نہ کرز ایت اے دلاں کوار بند انت

کہ سرپ انت انشپی تئی گلیں دید ءِ آسمی پل
چشیں دروگ روچ رھمی تئی دزگوھار بند انت

منی اھد ءِ ایردستی تئی وھد ءِ بادشاھی
تئی شپ تھار آجو منی بام سار بند انت

تو چو آزمان ءِ درین ئے من سمین اے زمین ءِ
من ءَ سنکلاں نہ دار انت ترا سھر ءِ ھار بند انت

منی راہ ءِ چیر گیج انت منی واھگانی شہ جو
من ءَ تبد چو پتاے انت من ءَ چو لوار بند انت

اے انار، انارکانی، چو بھشت ءِ ماھکانی
خم ابرو نگاریں، چو شپ نگار بند انت

ادا شاد کے پہ ھوش انت ادا ھر کہ وت شموش انت
منی زند ءِ راہ ءَ چوں اے چـم ھُمـار بنـد انت.

 

*کـورُشـیں گـال*

کارمستر واجــہ ھــارون اھلاکی گِہ (نیکشھر)

امّـــــار ھـــاشمزھی

⚜

برای کشتن یک جامعه روشی ساده به کار گیرید بر فرهنگ آنان تمرکز کنید،
ابتدا کتاب را از آنها بگیرید و بعد سرشان را درون تلویزیون فرو کنید...

کارل ‌پوپر

----------------------------

⚜

پَہ یَک چاگردے ءِ کُشَگ ءَ آسانیں کارے بہ کَن اِت ، پَہ آیانی دود ءُ ربیدَگ ءَ دلگوش بہ کَن اِت
اول وانَگیاں چَہ آیاں پَچ بِہ گِر اِت ءُ رَند ءَ سَر اِش ماں وَت گِند ءَ بہ کَن اِت

کارل ‌پوپر

-------------------

رجـانـک : اَمّــار ھــاشُــمــزَھــی بَــلــوچ

چــــکّاس بند

چکاس بند
🌹🌹🌹

دوشی واب گِنداں سھبت ءُ چاپ اِنت.

جانے من شُشتگ سَر مَنی ٹاپ اِنت.

سَکّ دل ءَ لوٹ اِت کہ کن آں سُھبَت.

چار اوں شَلوار اوں میسّ اِتگ تاپ اِنت.

آزات بےسما.

دوشی واب گنداں سهبت ءُ چاپ اِنت
گوں مهلباں مهرنگ سر ءِ گواپ اِنت
مهپراں لال ءَ شانتگ اَنت دیم ءَ
سرچو نه ٹوپ ءَیک کش ءَ ٹاپ اِنت
چماں گریواَنت ءُ دل زهیریک اِنت
بزگیں دل مئے پرچی ءَ آپ اِنت

ازیز آسکانی

چکاس بند
🌹🌹🌹

دوشی واب گِنداں سھبت ءُ چاپ اِنت.
ماھلیں کاڑان ءَ سر ءُ گواپ انت

گندگ ءَ من پہ ھتلی لال ءِ
تلوس آں انچو انچو اشتاپ انت

ِ مان بہ دار برپ گوار ایں زمستان ءَ
بکملاں زانسر تئی بدن باپ انت ...

نور ملنگزھی
🌹

دوشی واب گنداں سھبت ءُ چاپ انت
کلہ ءَ نشتگ ماھل سر ءُ گواپ انت
لیلڑ لاڑی نازینک ءُ سپت باز انت
شیر چاہ چلیمانی دِرھکگ ءُ باپ انت
دلشاد دهانی سراوان
🌹🌹🌹
دوشی واب گنداں سهبتءُچاپ اِنت.
چاشتءَشیلانچ اِنت ماں تگارآپ اِنت.
شدمنءَکشتگ
سازءَجَنت روتیک

یک دگه آروسےتَه منی لاپ اِنت.
🌹🌹🌹
مهمدرهیم ساسان
زاهدان

دوشی واب گنداں سهبت ءُ چاپ اِنت

شپ زمستانی سهب ءَ روچ تاپ اِنت

ساهگے نیست اِنت هر وَ بے تاپ اِنت

من ءَ شُد ءَ گپتگ براتاں سیر لاپ اِنت
استاد دینارزهی ناکو باران
🌹🌹🌹

دوشی واب گِنداں سُهبت ءُ چاپ اِنت .
دلبرئے سیرگوں ٹیهہ ے چہ گنداپ اِنت .
گوں مُلائے بانگ ءَ چہ واب ءَ سرَّپتاں.
گنداں انگت گُل منی دلانی باپ انت
✍🏻 *بےتاکیں پُل گلجان چہ ابتر*🌴🥀🌺
دوشی واب گندان سُهبت ءُ چاپ انت
ماهگل ءِ زاناں سور ءُ سر گواپ انت
ا
جاه جتگ سالونکین دل ءِ ارمان ءَمنی
دل وتی شُشتگ سلّهو ساپ انت

انوربلوچ پُشتّ پسابندن
🌹🌹🌹

دوشی واب گنداں سھبت ءُ چاپ انت /
دل منی لال ءِ کُڈُّک ءَ باپ انت /
جنتّی بوھے شنگ اِتگ مرچی /
چو گُش ئے مرچی باھو آتاپ انت/
باھو بلوچ
بلوچستانءِزر چهبار
🌹🌹🌹
دوشی واب گندان سهبت چاپ انت.

ساز ءِ دیوان ماں مَندمیتّاپ اِنت.

پیشِّن ءِ بْراہ اِنت مَند میتّاپ مئے.

شپ گْوَش ئے روچ ءُ وَشّ ءُ اَلکاپ اِنت.
....................💎

مھمد برشان پیشن ڈَنّ سَر.

🌹🌹🌹
دوشی واب گنداں سُھبت ءُ چاپ اِنت
دل آزگ اَرواہ انـــگــراں تـــاپ اِنـــت

شر به گوز بانک پــل ءِ سـراتءَ تو
کیامت‎ءِروچءَ ھـک ترا ماپ اِنت

ســـابر سمین

###

دوشی واب گنداں سهبتءُچاپ انت

مهرک ءِ کور تچان ءُ پر آپ انت

ماهکان ءِ دیوان انت بلوچی

دلوں پہ کُوَنیں کسهاں باپ انت

مجید شریپ چہ چهبار.

فــــرھنگ وقف در بلــــوچستان

فرهنگِ وَپک دربلوچستان.
بلوچها اجتماعی ترین مردم بوده اند که زندگیشون مطابق با قوانین مستحکم بنا شده که امروزه این قوانین محلی درسطح بین اللمل کاربرد دارند.
این قوانین بصورت گذرا عبارتند از.
میار ومیارجلّی که درسطح جهانی سازمان پناهندگان تشکیل شد.
حشر ومدَت بجاروووو
که امروزه حقوق بشر و صندوق مالی جهانی شکل گرفت.
اما وپک یا همون وقف. این عمل حسنه سالهای متمادی وشاید قبل از اسلام نیز در بین بلوچها مرسوم بوده وهرکسی در هر مکانی بنا به شرایط شغلی ومکانی قسمتی از اموالشون رو در راه رضای خدا وپک میکرده اند تا افراد بی بضاعت وبعضا کم بضاعت از آن بهره ببرند.
مثلا در روستای ابتر از بخش مرکزی ایرانشهر درختانی همانند خرما وانار وانجیر وغیره رو وپک کرده اند تا رهگذران وکسانی که محصول کشاورزی نداشته اند از میوه این درختان استفاده کنن .ضمن اینکه مردم محل بصورت خود جوش وداوطلبانه مراقبت ونگهداری این درختان را با کمال میل انجام میداده اند. از آنجایی که این درختان نیاز مبرم به آب داشته اند معمولا این درختان را در مسیر نهر های آب میکاشته اند تا بهتر بارور وسرسبز باشند.
اما متاسفانه عرض کنم.درختان کهنسال شده وبعضی نیز با مواجه با تند بادها سربسجده افتاده اند و از کسانی که این درختان را کاشته اند مشتی استخوان بیشتر نمونده.
از فرزندان این افراد نیکونام وسعادتمند عاجزانه خواهش میکنم
سنت وپک رو مجددا زنده واحیا کنند.
کارمند ماهی دو روز خالصانه وخداپسندانه کار کنن.دبیران ریاضی. شیمی.فیزیک زبانهای خارجه برای کلاسهای تقویتی وکنکوری وقتشون رو وپک کنن
دکتر ها ویزیت رایگان رو فراموش نکنن
رانندگان ماهی یه روز رایگان مردم رو جابجا کنن ووووووووو

امیدوارم رسم وپک رو با گردش زمانه همگام کنیم

محمدرحیم ساسان
۹۶/۶/۲۴
زاهدان

بلوچــی سیاھگ

بلوچی سیاھگ
سیاھگ بلوچیءِ ھِشت بان
بُن رِد شُمئے نام ءُ نشان

پِت۔ پیروکی۔ دودے بلوچ
بیتگ مَڑا۔ آھئءِ دیوان

تو۔ ھم بیا۔ برانی۔ رِد
بندے۔ کمَر۔ ڈَکّین گون زان

بیار چَہ وتی زانتے ھیال
شھدین۔ زُبان۔ گپّءُ تران

مئے ھم۔ کَدم کِنزان بہ بیت
أنچو۔ دِگءِ۔ راج ان۔ روان

مَن۔ تو مہ بن۔ چو۔ سیاہ پَسءَ
نا زانتیءِ۔ دَرْنگءَ۔ مُداں

اوبا دَگءِ۔ تو۔ کمبرءِے
باجءَ۔ مَدے آ نا شران

ھِیر رتکگ اَنت چو کہ مَدَگ
مَیے کوچگءُ کوہ ڈنّ سران

بو مپان بہ بئے باگءِ وَتن
مئل ات چَرانت مَئے کھچران

اے راھانی دیم پہ۔ بُرگءَ
پہ مُچی انت۔ او۔ برادران

زانوگران۔ گُشتگ۔ مُدان
مُچّی۔ نَوارت۔ پُروش ھچّ بران

روچ۔ آتکگ انت۔ تی مُچّیءِ
او۔ چاکری۔ وَلّءِ۔ بران

اے۔ وھد۔ میارے جھ وتءَ
گار۔ بیت۔ تھی نامءُ نشان

واھگ۔ أزیزے۔ گون۔ شُما
ھَم دست بہ بِت پیرءُ۔ جوان

گون پَٹّءُ پول۔ جُھدان وتیگ
روژناہ کن ات تھارین شپان

ھُداری