ھشتم اردیبھشت سال ھزارسیصدءُ چلءُ سہ
شھرستانءِ ایرانشھر کہ پیشگین وھداں گیشتر پھرہ ءَ نام دپان  اَت
کلگے پہ نامءِ شھردراج کہ ایرانشھرءِ مرکزی بخشءَ کرار گپتگ  چراگءِ پیروزیءِ دوارءَ مردین زھگے چہ ماتءَ بیت کہ آوان اے زھگءِ نامءَ نصیر ءَ کن اَنت
نصیر وتی گونڈی وھدءُ درگتان شھر دراجءَ گوں وتی ھمسروگان گوزاینت ءُ چوشکہ ایدگہ ورنایاں واھگءُ آرزو دلءَ داریت کہ روچے مزن بہ بیت ءُ وتی شھرءُ سرڈگارءَ ھزمت بہ کنت
آییءِ ورناییءِ وھدا کہ ایرانءِ نظامءُ حکومت جمھوری اسلامیءِ نوک باھندءُ  نوک نھالءَ بیت 
سامراجءُ ایرانءِ بدواھان جنگے مئی سرا ڈولءَ کن اَنت کہ ایرانءِ راجءُ مھلوک درستاں پہ وتی ماتیں وطنءِ رکینگءُ نجاتءَ ھمتءِ لانکءَ بند اَنت 
چہ شھر دراجءِ نوک ورنایان نصیر پیروزی ھم نوک آروسی اَت گون اے کاروانءَ اَوارءَ بیت ءُ دیم پہ جھادءَ رھادگءَ بیت 
مدتے گون دژمنءُ بدواھاں باھندءَ کنت ءُ آکبت ورناییءِوھدا  پہ شانے شھمیر ءَ بیت ءُ شھادتءِ شربتءَ سال شصتءُ چارءَ نوش ءَ کنت ءُ نیکین نامے پہ وتی راج، کومءُ شھرءَ ایرءَ کنت 

شالا کہ گون نبیءُ مھترانی سردار 
کیامتءِ بازار ھمدیوان بات ئے
نبیسوک: محمدرحیم ساسان

شش مھرماہ سال نودءُ ھشت