بسم اللہ الرحمن الرحیم گوں ھمارب ءِ نام ءَ کہ داشتگی اپلاک

جوڑاینتی انسان ءَ کردگار چہ ھاک

گاری کت پرئون نمرود ءُ زھّاک

دیمی دات پرما،دُرّ نبی ئن پاک

مصطفی احمد سطان ءِ لولاک

***********************************

ھرکجا چارآن جھان ءُ نور ءَ گندآں دیدگاں

ھم مَہ اے جُھلیں زمین ءُ ھپ تبکین آزمان

زُمپ ءُ سیاهـیں شپ شُت اَنت نورانی اِنت

سِنگ ءَ گواریت پہ شیاتین نورءَ کئیت پہ مومنان

چِه جوانیں اھلاک

چہ نرمیں رپتار

چہ وشیں گپتار

چہ دلسوزی

چہ گمواری

سبحان اللہ تئی شان

سبحان اللہ تئی عزت

تئی آیگ مہ جھان رب ءِ گھتریں سوگات اِنت

تئی پیدائش پہ مومنان گنج پہ مشرکان رنج اِنت

چہ تئی نور ءُ برمش ءَ مجوسانی آچش مرت ءُ ھاموش بوت

وھدی کہ تئی مھر ءِ کلات بنگیج بوت کئیسر ءُ کسرای ءِ کلات لمب اِت

پرئون ءِ گوانک ءِ بدل ءَ اناربکم الاعلی

توحید ءِ گوانک برز بوت لاالہ الااللہ